Kabar ki mitti utha ke le gaya koi

Kabar ki mitti utha ke le gaya koi,
isi bahane humein choo kar chala gaya koi,
tanhayi aur andhere mein khush they hum,
lekin Phir se intezaar karne ki wajah de gaya koi..

Kadam kadam pe baharon ne saath chhoda,
zaroorat padne par yaaron ne saath chhoda,
vaada kiya sitaron ne saath dene ka,
subah hone par sitaron ne bhi saath chhoda.

Khamoshiyan teri mujhse baatein karti hain,
meri har aah har dard samajhti hain.
Pata hai majbuur hai tu bhi aur main bhi,
phir bhi aankhein tere deedar ko tarasti hain.

Mere haathon se gir gayi lakeeren kahin,
bhool aaye hum apni takdeeren kahin.
Agar mile tumko kahin to utha lena,
mere hisse ki har khushi apne haathon pe saja lena.

Bolti hai dosti, chup rehta hai pyar.
Hasati hai dosti, rulata hai pyar.
Milati hai dosti, juda karta hai pyar.
Phir bhi kyun dosti chodkar log karte hain pyar??