Bajaye pyaar ki shabnam

Bajaye pyaar ki shabnam

Meray gulistan mein

Baraste rehte hai har simt maut ke saaye

Siyahiyon se ulajh parhti hain meri aankhen

Koi nahein.koi bhi nahein jo bataye

Kitni dair ujaalon ki raatein

Koi nahein, hai koi bhi nahein

Na paas, Na durr

Yeh pyar hai.dil ki dhadkan

Apni chahat ka jo elaan kiye jati hai

Zindagi hai jo jiye jati hai

Khoon ke ghont piye jati hai

Khwaab kanton se siye jaati hai

Ai Khuda aaj is kashti ko paar tu hi lagai ga

Ki hain jo khata hum nay un ko tu hi bhulai ga

Hum jo teray banday hain teri hi takhleeq hain

Apni is takhleeq ko Khaliq kaisay mitai ga

Raaz meray sab janta hai tou hi to

Poshida in batoon ko sab ko kyun bataye ga

Teri is makhlooq par jab bhi para hai mushkil waqt

Toofaan ho ya aandhi ho hum ko tu hi bachaye ga

Ai Khuda aaj is kashti ko paar tu hi lagai ga

Ki hain jo khata hum nay un ko tu hi bhulai ga